കോട്ടയം: നിത്യോപയോഗ സാധനങ്ങളുടെ വിലക്കയറ്റം നിയന്ത്രിക്കണമെന്നും റേഷന്‍ കാര്‍ഡുകള്‍ തെറ്റുകൂടാതെ വിതരണം ചെയ്യണമെന്നും ജനതാദള്‍ (എസ്‌) ജില്ലാ പ്രസിഡന്റ്‌ ജോസഫ്‌ ചാവറ ആവശ്യപ്പെട്ടു. വിലക്കയറ്റത്തിനെതിരെ ജനതാദള്‍ (എസ്‌) ജില്ലാ കമ്മിറ്റി നടത്തിയ കലക്‌ട്രേറ്റ്‌ ഉപരോധം ഉദ്‌ഘാടനം ചെയ്യുകയായിരുന്നു അദ്ദേഹം. കേരള സര്‍ക്കാര്‍ സാധാരണക്കാരന്റെ ആവശ്യങ്ങള്‍ നിഷേധിക്കുകയാണെന്നും നിര്‍ദ്ധനരുടെ ജീവിതമിട്ട്‌ പന്തുകളിക്കുകയാണെന്നും അദ്ദേഹം പറഞ്ഞു. ഇതിനെതിരെ നടപടികള്‍ സ്വീകരിച്ചില്ലെങ്കില്‍ ശക്തമായ സമരപരിപാടികളുമായി മുമ്പോട്ടുപോകുമെന്നും ജോസഫ്‌ ചാവറ പറഞ്ഞു.തോമസ്‌ ജയിംസ്‌, പി.കെ.സുശീലന്‍, കെ.കെ.രാജു, ആര്‍.കെ.കര്‍ത്താ, ഓമന വിദ്യാധരന്‍ എന്നിവര്‍ പ്രസംഗിച്ചു.