കോട്ടയം: ജില്ലയിലെ തദ്ദേശസ്വയംഭരണസ്ഥാപനങ്ങള്‍, 2010-11 ലെ വാര്‍ഷികപദ്ധതികള്‍ക്ക് നിശ്ചിതതീയതിക്കകം തന്നെ ജില്ലാ ആസൂത്രണസമിതിയുടെ അംഗീകാരം വാങ്ങാന്‍ നടപടി സ്വീകരിക്കണമെന്ന് ജില്ലാ കലക്ടര്‍ മിനി ആന്റണി നിര്‍ദ്ദേശിച്ചു.ഗ്രാമപഞ്ചായത്തുകള്‍, നഗരസഭകള്‍ എന്നിവ ഫെബ്രുവരി 25-നു മുമ്പ് സാങ്കേതി കോപദേശകസംഘത്തിന് സമര്‍പ്പിക്കുകയും മാര്‍ച്ച് 10-നകം ഡി.പി.സി.യുടെ അംഗീകാരം വാങ്ങുകയും ചെയ്യണം. ബ്ളോക്ക്-ജില്ലാ പഞ്ചായത്തുകള്‍ മാര്‍ച്ച് ഒന്നിനകം പദ്ധതി നിര്‍ദ്ദേശം സാങ്കേതികോപദേശകസംഘത്തിന് സമര്‍പ്പിച്ച് മാര്‍ച്ച് 15-നകമാണ്അംഗീകാരംവാങ്ങേണ്ടത്.തദ്ദേശസ്വയംഭരണസ്ഥാപനങ്ങളുടെ വാര്‍ഷികപദ്ധതി തയ്യാറാക്കുന്നതിനും അവ സമയബന്ധിതമായി പരിശോധിച്ച് നല്‍കുന്നതിനും എല്ലാ ജില്ലാതല ഉദ്യോഗസ്ഥരും ആവ ശ്യമായ സഹായസഹകരണം നല്‍കണം. തങ്ങളുടെ കീഴിലുളള എല്ലാ ഉദ്യോഗസ്ഥര്‍ക്കും ഇതിനുളള ചുമതലാനിര്‍ദ്ദേശങ്ങള്‍ നല്‍കണമെന്നും കലക്ടര്‍ അറിയിച്ചു.