കോട്ടയം: ഭീതിയുടെയും ആകാംക്ഷയുടെയും ഉത്‌കണ്‌ഠകളുടെയും മുള്‍ മുനകളില്‍ നിന്ന്‌ വിസ്‌മയമുണര്‍ത്തിക്കൊണ്ട്‌ ഫ്‌ളയിംഗ്‌ ട്രപ്പീസ്‌ ജനപ്രിയമാകുന്നു.ആടിവരുന്ന ഒരു ഊഞ്ഞാലില്‍ നിന്നും മറ്റൊന്നിലേക്കും മറ്റൊരാളുടെ കൈകളിലേക്കും മാറുന്നത്‌ നിമിഷങ്ങളുടെ ഇടയിലാണ്‌. ഉയരങ്ങളിലാടുന്ന ഊഞ്ഞാലുകളിലേക്ക്‌ പറക്കുന്ന താരങ്ങള്‍ക്ക്‌ ഏകാഗ്രതയുടെയും കഠിന പരീശിലനത്തിന്റെയും പിന്‍ബലം മാത്രമാണുളളത്‌. നാഗമ്പടത്ത്‌ നടക്കുന്ന ഗ്രേററ്‌ റോയല്‍ സര്‍ക്കസില്‍ കാണികള്‍ക്ക്‌ ഏററവും പ്രിയമുളള ഐററവും ഇതു തന്നെ. എല്ലാ സര്‍ക്കസുകളിലുമുളള സ്ഥിരം ഐറ്റാമാണെങ്കിലും ഫ്‌ളയിംഗ്‌ ട്രപ്പിസിനോട്‌ ആളുകള്‍ക്ക്‌ പ്രിയം തന്നെ. പതിനഞ്ചിലധികം കലാകാരന്‍മാരും കലാകാരികളുമാണ്‌ ഫ്‌ളയിംഗ്‌ ട്രപ്പീസില്‍ അത്ഭുതങ്ങള്‍ കാണിക്കുന്നത്‌.