കോട്ടയം: സംസ്ഥാനസര്‍ക്കാരിന്റെ തൊഴിലും വീടും പരിപാടിയില്‍ ഉള്‍പ്പെട്ട ഇ.എം.എസ്. സമ്പൂര്‍ണ്ണഭവനപദ്ധതിയുടെ പ്രചാരണാര്‍ത്ഥം ജില്ലയില്‍ തെരുവുനാടക ഗ്രൂപ്പുകള്‍ രൂപീകരി ക്കുമെന്ന് ജില്ലാ പഞ്ചായത്ത് പ്രസിഡന്റും ജില്ലാ ആസൂത്രണസമിതി ചെയര്‍മാനുമായ ടി.എന്‍. രമേശന്‍ അറിയിച്ചു. കേന്ദ്ര-സംസ്ഥാനാവിഷ്കൃതപദ്ധതികള്‍, പ്രാദേശികസര്‍ ക്കാരുകളുടെ പദ്ധതികള്‍ എന്നിവയുടെ പ്രചാരകരും സന്ദേശവാഹകരുമായി സംസ്ഥാന യൂത്ത് വെല്‍ഫയര്‍ ബോര്‍ഡിന്റെ ആഭിമുഖ്യത്തിലുളള യുവശക്തി പ്രോജക്ടിനെ ചുമതലയേല്‍പ്പിക്കുന്നതിന്റെ ഭാഗമായാണിത്. പാടുന്നതിലും നാടകാഭിനയത്തിലും മികവ് തെളിയിച്ചിട്ടുളള കേരളോത്സവപ്രതിഭക ളില്‍ നിന്നു തെരഞ്ഞെടുക്കുന്നവരെയാണ് ആദ്യഘട്ടത്തില്‍ ഗ്രൂപ്പില്‍ ഉള്‍പ്പെടുത്തുക. തുടര്‍ന്നു വരുന്ന പ്രവര്‍ത്തനങ്ങള്‍ക്കായി ബാക്കിയുളളവരെ പട്ടികയിലുള്‍പ്പെടുത്തും. ജില്ലയിലെ സെലക്ഷന്‍ ക്യാമ്പ് ഫെബ്രുവരി എട്ടിന് രാവിലെ 10 മുതല്‍ വൈകുന്നേരം അഞ്ചു വരെ വടവാതൂര്‍ ജില്ലാ യൂത്ത് സെന്ററില്‍ നടക്കും. താല്‍പ്പര്യമുളളവര്‍ ആവശ്യമായ രേഖകള്‍ സഹിതം പങ്കെടുക്കണം. വിശദവിവരത്തിന് 9388675113, 9946755008, 9496195108 എന്നീ നമ്പരുകളില്‍ ബന്ധപ്പെടാം