കോട്ടയം: ദേശീയ പോളിയോ നിര്‍മ്മാര്‍ജ്ജനപ്രവര്‍ത്തനപരിപാടിയുടെ ഭാഗമായ പള്‍സ് പോളിയോ ഇമ്മ്യൂണൈസേഷന്റെ രണ്ടാം ഘട്ടം ജില്ലയില്‍ ഫെബ്രുവരി ഏഴിന് നടക്കും. പരിപാടിയുടെ ജില്ലാതല ഉദ്ഘാടനം ഫെബ്രുവരി ഏഴിന് രാവിലെ എട്ടിന് ജില്ലാ ആശുപത്രി യില്‍ ജില്ലാ മെഡിക്കല്‍ ഓഫീസര്‍ ഡോ. എസ്. വത്സലകുമാരി നിര്‍വ്വഹിക്കും. ജില്ലാ ആശുപത്രി സൂപ്രണ്ട് ഡോ. കെ.കെ. വിജയകുമാരി, ഡി.പി.എം. ഡോ. സി.ആര്‍. മോഹന്‍ ദാസ്, ആര്‍.സി.എച്ച്. ഓഫീസര്‍ ഡോ. എ. രഘു, ജില്ലാ മാസ് മീഡിയ ഓഫീസര്‍ കെ. ദേവ്, ആര്‍.എം.ഒ. തുടങ്ങിയവര്‍ പങ്കെടുക്കും.ജില്ലയില്‍ അഞ്ചു വയസ്സിനു താഴെ പ്രായമുളള 1,60,696 കുട്ടികള്‍ക്ക് 1,286 ബൂത്തുകളി ലായി 2,572 വാളന്റിയര്‍മാര്‍ 129 സൂപ്പര്‍വൈസര്‍മാരുടെ നേതൃത്വത്തില്‍ പോളിയോ തുളളി മരുന്നു വിതരണം ചെയ്യും. ആരോഗ്യകേന്ദ്രങ്ങള്‍, അംഗന്‍വാടികള്‍, സ്വകാര്യ ആശുപത്രി കള്‍, ബസ് സ്റാന്റുകള്‍, റെയില്‍വേ സ്റേഷനുകള്‍, ബോട്ടുജെട്ടികള്‍ എന്നിവിടങ്ങളിലെ ബൂത്തുകള്‍ കൂടാതെ സഞ്ചരിക്കുന്ന ബൂത്തുകളും ട്രാന്‍സിസ്റ് ബൂത്തുകളും ജില്ലയുടെ വിവിധ ഭാഗങ്ങളില്‍ സജ്ജീകരിച്ചിട്ടുണ്ട്.അഞ്ചു വയസ്സിനു താഴെ പ്രായമുളള എല്ലാ കുട്ടികള്‍ക്കും ഓരോ ഡോസ് പോളിയോ തുളളിമരുന്ന് നല്‍കി പരിപാടി വിജയിപ്പിക്കണമെന്ന് ജില്ലാ കലക്ടര്‍ മിനി ആന്റണി, ജില്ലാ മെഡിക്കല്‍ ഓഫീസര്‍ ഡോ. എസ്. വത്സലകുമാരി എന്നിവര്‍ അഭ്യര്‍ത്ഥിച്ചു