കോട്ടയം:പട്ടികജാതി വിഭാഗങ്ങള്‍ക്കെതിരെയുളള ജസ്റ്റീസ്‌ രംഗനാഥ മിശ്രകമ്മീഷന്‍ ശുപാര്‍ശകള്‍ തളളിക്കളയണമെന്നാവശ്യപ്പെട്ടു കൊണ്ടുളള പ്രക്ഷോഭങ്ങള്‍ സംഘടിപ്പിക്കുവാന്‍ കെ എസ്‌ എസ്‌ തീരുമാനിച്ചിരിക്കുകയാണെന്ന്‌ ജനറല്‍ സെക്രട്ടറി ബാബു കുന്നത്തൂര്‍ വാര്‍ത്തസമ്മേളനത്തില്‍ അറിയിച്ചു.ഇതിന്റെ ഭാഗമായി എട്ടിന്‌ ജില്ലകളിലെ തിരഞ്ഞെടുക്കപ്പെട്ട ഹെഡ്‌ പോസ്റ്റോഫീസുകളുടെ മുന്‍പില്‍ രാവിലെ 10 ന്‌ കൂട്ട ധര്‍ണ്ണ നടത്തും.24 ന്‌ പട്ടികജാതി പട്ടിക വര്‍ഗ്ഗ സംയുക്ത സമരസമിതിയുടെ നേതൃത്വത്തില്‍ വായ്‌മൂടിക്കെട്ടി ഉപവസിക്കും.
വാര്‍ത്തസമ്മേളനത്തില്‍ വെണ്ണിക്കുളം മാധവന്‍,പപ്പന്‍ വെണ്‍മേട്‌,തങ്കപ്പന്‍,വി ഐ ജോഷി,ഏ ജെ രമേശ്‌,സി എസ്സ്‌ രമേശ്‌ എന്നിവര്‍ പങ്കെടുത്തു.