പാലാ: വിശുദ്ധ അല്‍ഫോന്‍സാമ്മയുടെ തിരുനാളിനോടനുബന്ധിച്ച്‌ അനുഗ്രഹം തേടി നാളെ ഭരണങ്ങാനത്ത്‌ പതിനായിരങ്ങള്‍ എത്തും. നാളെയാണ്‌ പ്രധാന തിരുനാളാഘോഷം. രാവിലെ അഞ്ചുമുതല്‍ തിരുക്കര്‍മ്മങ്ങള്‍ക്ക്‌ തുടക്കമാകും. തുടര്‍ന്ന്‌ വൈകുന്നേരംവരെ വിശുദ്ധ കുര്‍ബാന നടക്കും.അല്‍ഫോന്‍സാമ്മയുടെ കബറിടത്തിലെത്തി തിരക്കൊഴിവാക്കി തീര്‍ഥാടകര്‍ക്കു പ്രാര്‍ഥിക്കുന്നതിനായി ക്രമീകരണങ്ങള്‍ പൂര്‍ത്തിയായി. ചാപ്പലിന്റെ ഇരുവശങ്ങളിലായിട്ടാണ്‌ നേര്‍ച്ച അപ്പം വിതരണം. വിശുദ്ധ അല്‍ഫോന്‍സാമ്മയുടെ ജന്മശതാബ്‌ദി വര്‍ഷത്തിലെ തിരുനാളെന്ന പ്രത്യേകതയോടെയാണ്‌ ഈ വര്‍ഷത്തെ ആഘോഷങ്ങള്‍.