കോട്ടയം:കണ്ടല്‍വനങ്ങളുടെ പാരിസ്ഥിതികവും ജൈവപരവുമായ പ്രാധാന്യവും അവ നല്‍കുന്ന സേവനങ്ങളും കണക്കിലെടുത്ത് അന്താരാഷ്ട്ര ജൈവവൈവിധ്യ വര്‍ഷമായ 2010-ല്‍ കണ്ടലുകള്‍ പരിരക്ഷിക്കുന്നതിനായി സംസ്ഥാന വനം-വന്യജീവി വകുപ്പ് നടപ്പാക്കുന്ന പദ്ധതിയില്‍ കണ്ടല്‍ സംരക്ഷിച്ച് നിലനിര്‍ത്താന്‍ താല്‍പ്പര്യമുളള വ്യക്തികള്‍ക്ക് ഗുണഭോക്താക്കളാകാം. വസ്തുവില്‍ കണ്ടല്‍വനങ്ങളുളളവര്‍ക്ക് നിശ്ചിതതുക പാരിതോഷികം നല്‍കും. കണ്ടല്‍ച്ചെടികള്‍ വച്ചുപിടിപ്പിക്കുന്നതിനും സ്വാഭാവിക പുനഃരുജ്ജീവനം സാധ്യമാക്കുന്നതിനും സാമ്പത്തികസഹായവും നല്‍കും.താല്‍പ്പര്യമുളള കണ്ടല്‍ ഉടമസ്ഥര്‍ കോട്ടയം സോഷ്യല്‍ ഫോറസ്ട്രി വിഭാഗം അസി. ഫോറസ്റ് കണ്‍സര്‍വേറ്റര്‍ക്ക് ജൂലൈ 30നകം അപേക്ഷ നല്‍കണം. വിശദവിവരം അസി. ഫോറസ്റ് കണ്‍സര്‍വേറ്റര്‍, സോഷ്യല്‍ ഫോറസ്ട്രി ഡിവിഷന്‍, കോട്ടയം, ഫോണ്‍: 0481 2310412, 9447979133 എന്ന വിലാസത്തില്‍ ലഭിക്കും.