ഭരണങ്ങാനം: ഭരണങ്ങാനം അല്ഫോന്സാ തീര്ത്ഥാടനകേന്ദ്രത്തില് വിശുദ്ധ അല്ഫോന്സാമ്മയുടെ തിരുന്നാള് ഭക്ത്യാദരപൂര്വ്വം കൊണ്ടാടി. പതിനായിരക്കണക്കിനു ഭക്തജനങ്ങളാണ് ഭരണങ്ങാനത്തെ വിശുദ്ധ അല്ഫോന്സാമ്മയുടെ കബറിടത്തില് പ്രാര്ത്ഥനയ്ക്കായി എത്തിയത്. ജന്മശദാബ്ദി വര്ഷത്തെ തിരുന്നാള് എന്ന പ്രത്യേകത കൂടി ഇത്തവണയുണ്ട്. തിരുന്നാളിന് വിപുലമായ ക്രമീകരണങ്ങളാണ് ഭരണങ്ങാനത്ത് ഏര്പ്പെടുത്തിയിരുന്നത്. രാവിലെ 5ന് അല്ഫോന്സാ തീര്ത്ഥാടനകേന്ദ്രത്തില് റവ.ഫാ.ഫ്രാന്സീസ് വടക്കേല് വി.കൂര്ബ്ബാനയര്പ്പിച്ചതോടെയാണ് തിരുക്കര്മ്മങ്ങള് ആരംഭിച്ചത്. 6-ന് തീര്ത്ഥാടകേന്ദ്രം റെക്ടര് ജോസഫ് തടത്തില് വി.കുര്ബ്ബാനയര്പ്പിച്ചു. 6.50-ന് മാര് ജോസഫ് പള്ളിക്കാപറമ്പില് നേര്ച്ചയപ്പത്തിന്റെ വെഞ്ചരിപ്പ് കര്മ്മം നിര്വ്വഹിച്ചു. 10-ന് ഇടവകദേവാലയത്തില് മാര് ജോസഫ് കല്ലറങ്ങാട്ട് ആഘോഷമായ തിരുന്നാള് റാസയര്പ്പിച്ച് സന്ദേശം നല്കി. 12-ന് അല്ഫോന്സാ തീര്ത്ഥാടനകേന്ദ്രത്തില് നിന്നുംപ്രാര്ത്ഥനാകീര്ത്തനങ്ങളോടെ വിശുദ്ധ അല്ഫോന്സാമ്മയുടെ തിരുസ്വരൂപവും വഹിച്ചുകൊണ്ടുള്ള പ്രദക്ഷിണം നടന്നു. തീര്ത്ഥാടനകേന്ദ്രത്തില് നിന്നും മെയിന് റോഡിലിറങ്ങി ഇടവകദേവലയത്തിലേയ്ക്കുള്ള പ്രദക്ഷിണത്തില് പതിനായിരക്കണക്കിനു ഭക്തജനങ്ങളാണ് പങ്കെടുത്തത്. വാദ്യോപകരണങ്ങള് പൂര്ണ്ണമായും ഒഴിവാക്കിയിരുന്നത് ഇത്തവണത്തെ പ്രത്യേകതയാണ്.
.jpg)
